சிறுமியை வன்புணர்ந்து தப்பிச் சென்ற நபர் கைது

நோர்டன்பிரிட்ஜ் பகுதியில் 13 வயதுடைய பாடசாலை மாணவியை பாலியல் துஷ்பிரயோகத்திற்கு உட்படுத்திய ஒருவர் நேற்று (30) பொலிஸாரால் கைது செய்யப்பட்டுள்ளார்.

நோர்டன்பிரிட்ஜ் பகுதியைச் சேர்ந்த 29 வயதுடைய நபரே இவ்வாறு கைது செய்யப்பட்டுள்ளார்.

அவர் இதற்கு முன்னர் 9 வயதான சிறுமியை துஷ்பிரயோகம் செய்து அப்பகுதியை விட்டு தப்பிச்சென்று சுமார் 10 வருடங்கள் மாவனெல்ல பிரதேசத்தில் வியாபாரியாக தலைமறைவாக இருந்த நிலையில் கைது செய்யப்பட்டு கடுமையான பிணை நிபந்தனைகளில் விடுவிக்கப்பட்டவர் என விசாரணையில் தெரியவந்துள்ளது.

நேற்று (30) காலை சந்தேகநபர் ஹட்டன் நீதவான் நீதிமன்றத்தின் உத்தரவின் பேரில் கையொப்பமிட பொலிஸ் நிலையத்துக்கு சென்ற பின்னர் பிணையில் கையெழுத்திட்ட சகோதரியின் வீட்டிற்குச் சென்று சகோதரியின் மகளை துஷ்பிரயோகத்துக்கு உட்படுத்தி பிரதேசத்தில் இருந்து தப்பிச் சென்ற போது கைது செய்யப்பட்டுள்ளார்.

பாதிக்கப்பட்ட சிறுமி திக் ஓயா ஆதார வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.