தந்தையை கொலை செய்த மகன் கைது

தந்தையை அடித்து கொலை செய்த மகன் ஒருவரை தங்கொடுவ பொலிஸார் கைது செய்துள்ளனர்.

தங்கொடுவ பிரதேசத்தை சேர்ந்த 27 வயதுடைய ஒருவரே இவ்வாறு கைது செய்யப்பட்டுள்ளதாக தெரிவிக்கப்படுகின்றது.

கடந்த மாதம் 31ஆம் திகதி மகனால் தாக்கப்பட்ட 62 வயதுடைய தந்தை வைத்தியசாலையில் அனுமதிக்கப்பட்ட நிலையில் உயிரிழந்துள்ளதாக பொலிஸார் மேலும் தெரிவித்தனர்.

கைது செய்யப்பட்ட சந்தேகநபர் இன்று நீதிமன்றில் ஆஜர்படுத்தப்படவுள்ளதாக பொலிஸார் மேலும் தெரிவித்தனர்.