ஹோமாகம இரசாயன களஞ்சியசாலையில் தீப்பரவல்

ஹோமாகம கைத்தாழில் வலயத்தில் உள்ள இரசாயன களஞ்சியசாலையொன்றில் நேற்று (17) இரவு திடீரென தீ விபத்து ஏற்பட்டுள்ளது.

கோட்டை மாநகர சபையின் தீயணைப்புப் பிரிவினரும், ஹொரணை மாநகர சபையின் தீயணைப்புப் பிரிவினரும் இணைந்து தீயை கட்டுப்பாட்டுக்குள் கொண்டுவந்துள்ளதாக தெரிவிக்கப்பட்டுள்ளது.

மேலும், ஹோமாகம-பனாகொட இராணுவ முகாமின் படையினரும் இந்த தீயை கட்டுப்படுத்துவதற்கு உதவியுள்ளனர்.

தீயை அணைக்க 7 தீயணைப்பு வாகனங்கள் பயன்படுத்தப்பட்டதாக கூறப்படுகிறது,

நேற்று (17) இரவு 8.30 மணியளவில் ஏற்பட்ட தீ விபத்தினால் எவருக்கும் காயங்கள் ஏற்படவில்லை என பொலிஸார் குறிப்பிட்டுள்ளனர்.

குறித்த தீ விபத்தினால், தொழிற்சாலையின் இரண்டு கட்டிடங்களும் முற்றாக சேதமடைந்துள்தாக பொலிஸார் தெரிவித்தனர்.

இதன்காரணமாக, அதனை அண்டிய பகுதிகளில் வளி மாசடந்துள்ளமையால், முகக் கசவங்களை அணியுமாறு பொதுமக்களிடம் கோரப்பட்டுள்ளது.

தீப்பரவல் ஏற்பட்டமைக்கான காரணம் இதுவரை கண்டறியப்படவில்லை என்பதுடன் அது தொடர்பான விசாரணைகளை பொலிஸார் முன்னெடுத்துள்ளனர்.