பல்கலைக்கழக மாணவியை கொலை செய்தமைக்கான காரணத்தை சந்தேகநபர் வெளிப்படுத்தியுள்ளார்.
தனது காதலி வேறு ஒருவருக்குச் சொந்தமாகி விடுவார் என்ற பயத்தில் தான் கொலை செய்ததாக அவர் வாக்குமூலம் அளித்துள்ளார்.
தான் கூறியதை குறித்த யுவதி ஏற்க விரும்பவில்லை எனவும், அதன் காரணமாக வேறு வழியின்றி அவரை கொலை செய்வதாகவும் சந்தேகநபர் தெரிவித்துள்ளார்.
தற்போது வெளியாகியுள்ள தகவலின்படி சந்தேகநபரான இளைஞனே இந்த கொலையை திட்டமிட்டுள்ளதாகவும் புலனாய்வு குழுக்கள் சுட்டிக்காட்டியுள்ளன.
யுவதியை தாக்க பயன்படுத்திய கத்தியானது கடையொன்றில் இருந்து கொள்வனவு செய்யப்பட்டுள்ளதாகவும், நேற்று மதியம் 12.30 மணியளவில் தனது பையில் கத்தியை வைத்து குதிரை பந்தய திடலுக்கு அவர் சென்றுள்ளதாகவும் விசாரணையில் தெரியவந்துள்ளது.
தான் கூறியது போன்று எதிர்காலத்திலும் உறவை பேண வேண்டும் என குறித்த இளைஞன் தெரிவித்துள்ள நிலையில்இ இனிமேல் இவ்வாறு பழக முடியாது என யுவதி பதிலளித்துள்ளார்.
அப்போது பீதியில் இந்த கொலையை செய்ததாக அந்த இளைஞன் பொலிஸாரிடம் மேலும் தெரிவித்துள்ளார்.
அத்துடன், கொலைச் சம்பவத்தின் பின்னர் குறித்த இளைஞன் பல்கலைக்கழகத்தை நோக்கி ஓடுவது சிசிடிவி காட்சிகளில் பதிவாகியுள்ளதாக பொலிஸார் குறிப்பிட்டுள்ளனர்.
சந்தேகத்திற்குரிய இளைஞன் வெல்லம்பிட்டிய, கொலொன்னாவ, கொட்டிகாவத்தை மற்றும் கிரிபத்கொட ஆகிய பிரதேசங்களில் தனியார் ஆசிரியராக பணியாற்றியுள்ளதாகவும் தெரிவிக்கப்படுகிறது.
இருவருக்கும் இடையே சில காலமாக கருத்து வேறுபாடுகள் இருந்ததாக பல்கலைக்கழக நண்பர்கள் பொலிஸாரிடம் தெரிவித்தனர்.