பிரபல நிறுவனங்களின் வர்த்தக நாமங்கள் மற்றும் பல்வேறு இணைய முகவரிகளை பயன்படுத்தி ‘இலவச பரிசுகளை வழங்குவதாக கூறி’ சமூக ஊடகங்கள் ஊடாக செய்திகளை பரிமாறிக்கொள்வது அதிகரித்து வருவதாக இலங்கை தகவல் தொழில்நுட்ப சங்கம் தெரிவித்துள்ளது.
இது தொடர்பாக 100க்கும் மேற்பட்ட முறைப்பாடுகள் கிடைக்கப்பெற்றுள்ளதாக சங்கம் விடுத்துள்ள அறிக்கையில் தெரிவிக்கப்பட்டுள்ளது.
இந்த போலிச் செய்திகள் மூலம் இணையத் தாக்குதல் செய்பவர்கள் எந்த நேரத்திலும் உங்களது முக்கியமான தனிப்பட்ட தகவல்களைப் பெறுவதற்கான வாய்ப்பு இருப்பதாக இலங்கை தகவல் தொழில்நுட்ப சங்கம் எச்சரிக்கிறது.
இணையத் தாக்குதல் செய்பவர்கள் இதன் மூலம் உங்களின் சமூக ஊடக கணக்குகளை அபகரிக்க முடியும் என சங்கம் மேலும் தெரிவித்துள்ளது.
அதன்படி, இவ்வாறான செய்திகள் மற்றும் இணைப்புகளை க்ளிக் செய்வதை தவிர்க்குமாறு இலங்கை தகவல் தொழில்நுட்ப சங்கம் பொதுமக்களுக்கு அறிவித்துள்ளது.