பன்னிபிட்டிய, மஹல்வராவ பிரதேசத்தில் ஊதுபத்தி தயாரிக்கும் நிறுவனம் மற்றும் ஆடைத் தொழிற்சாலை ஒன்றில் இன்று (12) தீப்பரவல் ஏற்பட்டுள்ளது.
இன்று காலை 7 மணியளவில் இந்த தீப்பரவல் ஏற்பட்டதாக மஹரகம பொலிஸார் தெரிவித்தனர்.
தீயினால் எவருக்கும் காயம் ஏற்படவில்லை எனவும், ஆடைத் தொழிற்சாலையில் பல இலட்சம் பெறுமதியான ஆடைகள் தீயில் எரிந்து நாசமாகியுள்ளதாகவும் எமது செய்தியாளர் தெரிவித்தார்.
தீ பரவியதையடுத்து, கோட்டை தீயணைப்புத் திணைக்களத்தின் 2 தீயணைப்பு வண்டிகள் மற்றும் மூன்று தண்ணீர் பௌசர்கள் தீயை அணைக்கும் முயற்சியில் ஈடுபட்டுள்ளன.
தீ விபத்திற்கான காரணம் இதுவரை கண்டறியப்படவில்லை.
சம்பவம் தொடர்பில் மஹரகம பொலிஸார் விசாரணைகளை மேற்கொண்டு வருகின்றனர்.