முச்சக்கர வண்டி – ரயில் மோதி விபத்து: நால்வர் வைத்தியசாலையில்

பேருவளை – மரக்கலவத்தை பகுதியில் முச்சக்கர வண்டியொன்று ரயிலுடன் மோதி விபத்துக்குள்ளானதில் இரு சிறுவர்கள் உட்பட 4 பேர் காயமடைந்துள்ளனர்.

அநுராதபுரத்திலிருந்து பெலியத்த நோக்கி பயணித்த ரயிலுடனேயே முச்சக்கர வண்டி மோதியதால் குறித்த விபத்து இடம்பெற்றுள்ளதாக பொலிஸார் தெரிவித்துள்ளனர்.

விபத்துக்குள்ளான சிறுவர்கள் உட்பட 04 பேரும் சிகிச்சைகளுக்காக நாகொட வைத்தியசாலையில் அனுமதிக்கப்பட்டுள்ளனர்.