இலங்கை அணியை வீழ்த்திய இந்திய மகளிர் கிரிக்கெட் அணியானது, வரலாற்று சிறப்புமிக்க ஆசிய விளையாட்டு இறுதிப் போட்டியில் தங்கப் பதக்கத்தை வென்றது.
சீனாவின் ஹாங்சோ நகரில் ஆரம்பமான இப் போட்டியில் முதலில் துடுப்பெடுத்தாடிய இந்திய அணி நிர்ணயிக்கப்பட்ட 20 ஓவர்களில் 7 விக்கெட் இழப்புக்கு 116 ஓட்டங்களை பெற்றது.
பின்னர், பதிலுக்கு துடுப்பெடுத்தாடிய இலங்கை அணியானது 20 ஓவர்கள் நிறைவில் 8 விக்கெட் இழப்புக்கு 97 ஓட்டங்களை மாத்திரமே பெற்றது.
இதனால், இந்திய மகளிர் கிரிக்கெட் அணியானது 19 ஓட்டங்களினால் வெற்றியீட்டியது.
இந்த வெற்றியின் மூலம் ஆசிய விளையாட்டு போட்டிகள் தொடரில் இந்தியாவுக்கு 2 ஆவது தங்கப்பதக்கம் கிடைத்துள்ளது.
ஆசிய விளையாட்டு போட்டிகளில் இந்தியா 2 தங்கம், 3 வெள்ளி, 6 வெண்கலம் என மொத்தம் 11 பதக்கங்களை வென்றுள்ளமை குறிப்பிடத்தக்கது.