2023 ஆம் ஆண்டின் இரண்டாவது காலாண்டில் நாட்டின் பொருளாதார வளர்ச்சி விகிதம் குறைந்துள்ளதாக மக்கள்தொகை மற்றும் புள்ளிவிபரத் திணைக்களம் தெரிவித்துள்ளது.
2022 ஆம் ஆண்டை விட 2023 ஆம் ஆண்டின் இரண்டாவது காலாண்டில் நாட்டின் பொருளாதாரம் 3.1% ஆக வீழ்ச்சியடைந்துள்ளது.
2022 ஆம் ஆண்டின் இரண்டாவது காலாண்டில் இலங்கையின் மொத்த உள்நாட்டு உற்பத்தி 2,683,374 மில்லியன் ரூபாவாக இருந்த நிலையில், இந்த வருடத்தின் இரண்டாம் காலாண்டில் 2,597,441 மில்லியன் ரூபாவாக குறைந்துள்ளதாக திணைக்களம் மேலும் தெரிவிக்கிறது.