இலங்கை தேசிய வைத்தியசாலையில் நுண்ணுயிர் எதிர்ப்பி மருந்து செலுத்தப்பட்டு உயிரிழந்த நபரின் உயிர் மாதிரிகள் மேலதிக விசாரணைக்காக இந்தியாவிற்கு அனுப்பி வைக்கப்பட்டுள்ளதாக சுகாதார சேவைகள் பிரதிப் பணிப்பாளர் நாயகம் ஜி விஜேசூரிய தெரிவித்துள்ளார்.
நோயாளிக்கு கொடுக்கப்பட்ட கோ-அமோக்ஸிக்லாவ் என்ற நுண்ணுயிர் எதிர்ப்பி மாதிரிகள் அவுஸ்திரேலியாவுக்கு பரிசோதனைக்காக அனுப்பப்பட்டதாகவும் அவர் தெரிவித்தார்.
நோயாளியின் மரணத்திற்கான காரணத்தை தீர்மானிப்பதில் இந்த ஆய்வுகளின் முடிவுகள் முக்கியமாக இருக்கும் என்றும் அவர் குறிப்பிட்டார்.
வரக்காபொல பகுதியைச் சேர்ந்த 50 வயதுடையவர், காயத்திற்கு சிகிச்சை பெற்று வந்தவர்.
முன்னெச்சரிக்கை நடவடிக்கையாக Co-amoxiclav இன் பயன்பாடு தற்காலிகமாக நிறுத்தப்பட்டுள்ளது.