தெஹிவளை கடற்கரையில் சுற்றித்திரியும் முதலை

தெஹிவளை, ஆபர்ன் சைட் வீதிக்கு முன்பாக உள்ள கடற்கரையில் குறைந்தது 8 அடி நீளம் கொண்டதாக சந்தேகிக்கப்படும் முதலை ஒன்று இன்று (12) காணப்பட்டதாக தெரிவிக்கப்படுகிறது.

காலை 08.15 மணியளவில் கடற்கரையில் முதலை அவதானிக்கப்பட்டுள்ளதாக தெரிவிக்கப்படுகிறது.

குறித்த முதலை அப் பகுதியில் உள்ள தெரு நாய்களை வேட்டையாடியுள்ளதாக அங்குள்ள மக்கள் குறிப்பிட்டுள்ளனர்.

கடலுக்குச் செல்லத் தயாரான மீனவர்கள், கரையில் முதலையைக் கண்டதையடுத்து, கடற்கரையை தவிர்த்துச் சென்றதாகவும் கூறப்படுகிறது.

எனவே குறித்த கடற்கரை பகுதியில் நடமாடுவோர் மற்றும் மீனவ சமூகம் இது தொடர்பில் அவதானத்துடன் செயற்படுமாறும் வலியுறுத்தப்பட்டுள்ளது.