சிறு தந்தையின் தாக்குதலை பொறுத்துக்கொள்ள முடியாமல் வீட்டை விட்டு ஓடிய 9 வயது சிறுவனை தமது காவலில் வைத்துள்ளதாக முந்தலம பொலிஸார் தெரிவித்துள்ளனர்.
தாராவில்லுவ பிரதேசத்தில் இனந்தெரியாத ஆண் குழந்தையொன்று நடமாடுவதாக பிரதேசவாசி ஒருவர் வழங்கிய தகவலின் அடிப்படையில் மேற்கொள்ளப்பட்ட விசாரணையின் பின்னர் இந்த சிறுவன் கண்டுபிடிக்கப்பட்டுள்ளார்.
தான் புத்தளம் – தப்போவ பிரதேசத்தில் வசிப்பவர் எனவும், தனது தாயின் இரண்டாவது கணவர் தன்னை அடிக்கடி தாக்குவதால் காரணமாக வீட்டை விட்டு வெளியேறியதாக சிறுவன் பொலிஸாரிடம் தெரிவித்துள்ளார்.
சிறுவனின் இந்த வாக்குமூலத்துடன், முந்தலம பொலிஸார் மேலதிக விசாரணைகளை மேற்கொண்டு வருகின்றனர்.