2023 இந்தியன் பிரீமியர் லீக் டி:20 தொடரில் இன்று நடைபெறும் ஆறாவது லீக் ஆட்டத்தில் எம்.எஸ். தோனி தலைமையிலான சென்னை சூப்பர் கிங்ஸ் மற்றும் கே.எல். ராகுல் தலைமையிலான லக்னோ சூப்பர் ஜெயண்ட்ஸ் அணிகள் மோதுகின்றன.
இந்த ஆட்டம் இன்றிரவு 7.30 மணிக்கு சென்னை, சிதம்பரம் மைதானத்தில் ஆரம்பமாகிறது.
ஐ.பி.எல். கிரிக்கெட்டில் நான்கு வருடங்களின் பின்னர் முதல் முறையாக சென்னை அணி, சிதம்பரம் மைதானத்தில் விளையாடுகின்றமை இந்த போட்டியின் ஒரு விசேட அம்சமாகும்.
நடப்பு தொடரில் சென்னை ஏமாற்றம் அளிக்கும் வகையில் முதல் போட்டியில் குஜராத் டைட்டன்ஸிடம் வீழ்ந்தது.
மறுபுறம் லக்னோ சூப்பர் ஜெயண்ட்ஸ் இலகுவாக டெல்லியை வீழ்த்தி முதல் வெற்றியை பதிவுசெய்துள்ளது.
இந் நிலையில் தனது சொந்த மைதானத்தில் இன்று சென்னை விளையாடுவதனால் முதல் வெற்றியை பதிவு செய்யும் என்று பெரிதும் எதிர்பார்க்கப்படுகின்றது.