ரயிலில் இருந்து மீட்கப்பட்ட சிசு: பெற்றோர் கைது

கொழும்பு – கோட்டை ரயில் நிலையத்தில் நிறுத்தப்பட்டிருந்த ரயிலில் இருந்து பிறந்து 10 நாட்களேயான குழந்தை ஒன்று மீட்கப்பட்டது.

இந்த சம்பவம் தொடர்பில் அந்த குழந்தையின் தாய் மற்றும் தந்தை ஆகியோர் கைது செய்யப்பட்டுள்ளனர்.

கொழும்பு – கோட்டையில் இருந்து மட்டக்களப்பு நோக்கி பயணிக்க இருந்த மீனகயா ரயிலின் மலசலக்கூடத்தில், கைவிடப்பட்டிருந்த நிலையில் குறித்த சிசு நேற்றிரவு மீட்கப்பட்டது.

பின்னர் குறித்த குழந்தை ரிஜ்வே சிறுவர் சீமாட்டி வைத்தியசாலைக்கு சிகிச்சைக்காக கொண்டு செல்லப்பட்டுள்ளது.

இந்தநிலையில், குறித்த குழந்தையின் தாய் பண்டாரவளை பகுதியிலும் தந்தை கொஸ்லந்தை பகுதியிலும் வைத்து கைது செய்யப்பட்டுள்ளனர்.

25 வயதான பெண் ஒருவரும் 26 வயதான ஆண் ஒருவருமே இவ்வாறு கைது செய்யப்பட்டுள்ளதாக பொலிஸார் குறிப்பிடுகின்றனர்.