இலஞ்சம் பெற்ற காவல்துறை அதிகாரி கைது

யாழ்ப்பாணம் – இளவாலை காவல் நிலையத்தில் கடமையாற்றிய அதிகாரி ஒருவர் இலஞ்சம் பெற்ற குற்றச்சாட்டில் கைதாகியுள்ளார்.

இலஞ்ச ஒழிப்பு ஆணைக்குழுவினால் இன்று (05) மதியம் இந்த கைது நடவடிக்கை முன்னெடுக்கப்பட்டது.

பிரச்சினை ஒன்றிலிருந்து விடுவிப்பதற்காக ஒருவரிடம் இலஞ்சம் பெற முயன்றவேளை அவர் இவ்வாறு கைது செய்யப்பட்டுள்ளார்.

கைது செய்யப்பட்ட நபர் வட்டுக்கோட்டை காவல் நிலையத்தில் ஒப்படைக்கப்பட்டதுடன், சம்பவம் தொடர்பில் மேலதிக விசாரணைகள் முன்னெடுக்கப்பட்டு வருகிறது.