பாவற்குளம் நீர்த்தேக்கத்தில் வீழ்ந்து சிறுமி பலி

வவுனியா, பாவற்குளம் நீர்த்தேக்கத்திற்கு இளைஞருடன் சென்ற சிறுமி ஒருவர் நீரில் மூழ்கி மரணமடைந்துள்ளதாக உளுக்குளம் பொலிஸார் இன்று (22) தெரிவித்தனர்.

வவுனியாண, பாவற்குளம் நீர்த்தேக்கமானது வான் பாய்ந்து வரும் நிலையில் குறித்த குளத்திற்கு இளைஞர் ஒருவருடன் குறித்த சிறுமி அங்கு சென்றுள்ளார்.

குறித்த நீர்த்தேக்கம் பகுதியில் நின்ற போது சிறுமி நீரில் வீழ்ந்துள்ளார்.

சிலர் உடனடியாக விரைந்து செயற்ப்பட்டு சிறுமியை மீட்டு, பாவற்குளம் வைத்தியசாலைக்கு கொண்டு சென்றனர்.

எனினும் வைத்தியசாலைக்கு கொண்டு செல்லும் முன்னரே குறித்த யுவதி உயிரிழந்துள்ளதாக தெரிவிக்கப்படுகின்றது.

இதனையடுத்து குறித்த சிறுமியின் சடலம் வவுனியா வைத்தியசாலைக்கு அனுப்பி வைக்கப்பட்டது.

இதன்போது, வவுனியா, நாகர்இலுப்பைக்குளம் பகுதியைச் சேர்ந்த 17 வயதுடைய சிறுமியே இவ்வாறு சடலமாக மீட்கப்பட்டவராவார்.

இந்நிலையில் இன்று (22) மதியம் குறித்த சடலத்தை பார்வையிட்ட வவுனியா பதில் நீதவான், குறித்த சம்பவம் தொடர்பில் விசாரணைகளை மேற்கொண்டதுடன், குறித்த மரணமானது யுவதி நீரில் மூழ்கியமையால் ஏற்டபட்டது என தெரிவித்தார்.

உடற்கூற்று பரிசோதனையின் பின் சடலத்தை பெற்றோரிடம் ஒப்படைக்க கட்டளையிடப்பட்டது.

குறித்த சம்பவம் தொடர்பில் உளுக்குளம் பொலிஸார் மேலதிக விசாரணைகள மேற்கொண்டு வருகின்றனர்.