நாட்டிற்கு இறக்குமதி செய்யப்படும் தரம் குறைந்த பென்சில்கள், வண்ண பென்சில்கள், பிளாஸ்டிக் தண்ணீர் போத்தல்கள் மற்றும் மதிய உணவுப் பெட்டிகள் போன்றவற்றால் சிறுவர்கள் கடுமையான உடல்நலக் கேடுகளுக்கு உள்ளாகியுள்ளதாக சுகாதார அதிகாரிகள் எச்சரிக்கின்றனர்.
கொழும்பு லேடி ரிட்ஜ்வே சிறுவர் வைத்தியசாலையின் வைத்தியர் மஹிந்த விக்கிரமாராச்சி கொழும்பில் இடம்பெற்ற ஊடகவியலாளர் சந்திப்பில் இந்தத் தகவலை வெளியிட்டார்.
இறக்குமதி செய்யப்பட்ட தரமற்ற பென்சில்கள் மற்றும் வண்ண பென்சில்களின் மேற்பரப்பில் பூசப்பட்ட வண்ணங்களில் கன உலோகங்கள் இருக்கலாம் என்றும் குழந்தைகள் பயன்படுத்தும் பொம்மைகள் மற்றும் பென்சில்கள் மற்றும் வண்ண பென்சில்களின் சர்வதேச தரம் EN71-3 ஆக இருக்க வேண்டும் என்றும் அவர் மேலும் குறிப்பிட்டார்.