குவைத்திலிருந்து 26 இலங்கையர்கள் நாடு கடத்தப்பட்டனர்

வீசா இன்றி சட்டவிரோதமான முறையில் குவைத்தில் தங்கி பணிபுரிந்து வந்த இலங்கை வீட்டுப் பணியாளர்கள் 26 பேர் நாடு கடத்தப்பட்டுள்ளனர்.

இலங்கை தூதரகத்தின் தலையீட்டின் மூலம் நாடு கடத்தப்பட்ட இலங்கையர்கள் இன்று காலை கட்டுநாயக்க விமான நிலையத்தை வந்தடைந்ததாக எமது விமான நிலைய செய்தியாளர் தெரிவித்தார்.

குவைத்தில் உள்ள இலங்கைத் தூதரகத்தில் பதிவு செய்யப்பட்ட 2,000க்கும் மேற்பட்டபணியாளர்களில் இந்தக் குழுவும் அங்கம் வகிக்கிறது என்றும், மீதமுள்ள குழுவினரும் பகுதிகளாக இலங்கைக்கு அனுப்பப்படுவதாக தூதரகத்தின் பேச்சாளர் ஒருவர் தெரிவித்தார்.