ரஷ்யா – யுக்ரைன் போர் காரணமாக உலகளாவிய ரீதியில் 2024 ஆம் ஆண்டு வரை உணவுத் தட்டுப்பாடு காணப்படலாம் என உலக வங்கி சுட்டிக்காட்டியுள்ளது.
1970 ஆம் ஆண்டுக்கு பின்னர் உலகில் மிகப் பெரிய அளவிலான உணவுத் தட்டுப்பாடு தற்போது ஏற்பட்டுள்ளதாக தெரிவிக்கப்படுகிறது.
உணவுப் பற்றாக்குறை, எரிபொருள் நெருக்கடி மற்றும் வர்த்தக கட்டுப்பாடுகள் காரணமாக உலக நாடுகள் பலவற்றில் பணவீக்கம் அதிகரித்துள்ளது.
உலகில் பாரிய அளவில் இயற்கை எரிவாயு மற்றும் உர ஏற்றுமதி செய்யும் நாடாகவும், இரண்டாவதாக பாரிய அளவில் எரிபொருள் விநியோகிக்கும் நாடாகவும் ரஷ்யா காணப்படுகிறது.
கடந்த பெப்ரவரி 24 ஆம் திகதி யுக்ரைனுடனான போருக்கு பின்னர் ரஷ்யாவின் ஏற்றுமதி நடவடிக்கை பாதிக்கப்பட்டுள்ளதாக உலக வங்கி தெரிவித்துள்ளது.