கைதி ஒருவரை பார்வையிடச் சென்றவர் சோற்றுப் பார்சலில் ஹெரோயினை மறைத்து வைத்திருந்த நிலையில் கைதுசெய்யப்பட்டுள்ளார்.
களுத்துறை சிறைச்சாலையில் கைதி ஒருவரை பார்வையிடச் சென்ற ஒருவர், தான் கொண்டு சென்ற சோற்றுப் பார்சலில் 29 ஹெரோயின் பொதிகளை மறைத்து வைத்திருந்த நிலையில், கைது செய்யப்பட்டதாக களுத்துறை வடக்கு பொலிஸார் தெரிவித்தனர்.
பாணந்துறை வெகட பிரதேசத்தை சேர்ந்த 23 வயதுடைய ஒருவரே இவ்வாறு கைதுசெய்யப்பட்டுள்ளதாக பொலிஸார் தெரிவித்தனர்.
பார்வையாளர்களை சோதனை செய்துகொண்டிருந்த சிறைச்சாலை அதிகாரி, சோற்றுப் பார்சலில் காணப்பட்ட பால் பாக்கெற்றை கண்டுபிடித்ததுடன், அதற்குள் 138 மில்லி கிராம் நிறை கொண்ட 29 பொதிகளில் போதைப்பொருள் மறைத்து வைக்கப்பட்டிருந்ததும் கண்டுபிடிக்கப்பட்டது.