படகு கவிழ்ந்து விபத்து: இருவர் பலி

மட்டக்களப்பு – நாவலடி பகுதியில் அமைந்துள்ள வாவியொன்றில் படகு கவிழ்ந்து விபத்துக்குள்ளானதில் இரு இளைஞர்கள் உயிரிழந்தனர்.

இச் சம்பவம் நேற்று (08) மாலை இடம்பெற்றுள்ளதாக மட்டக்களப்பு பொலிஸார் தெரிவித்துள்ளனர்.

மட்டு, சீலாமுனையைச் சேர்ந்த தவசீலன் கிருசான்தன் (19 வயது), மாமாங்கத்தைச் சேர்ந்த பிரபாகரன் பிருந்தயன் (18 வயது) ஆகிய இளைஞர்களே உயிரிழந்தவர்கள் ஆவார்.

குறித்த படகு விபத்தின் போது, படகில் பயணித்த மேலும் நான்கு இளைஞர்கள் நீந்திக் கரை சேர்ந்துள்ளதாகவும் தெரிவிக்கப்படுகிறது.

இது தொடர்பான மேலதிக விசாரணைகளை மட்டக்களப்பு தலைமையகம் பொலிஸார் மேற்கொண்டு வருகின்றனர்.