கொலை முயற்சி: இருவர் கைது

கடந்த ஒகஸ்ட் 5 ஆம் திகதி வெலிவேரிய பொலிஸ் பிரிவிற்குள் ஒருவர் மீது துப்பாக்கி பிரயோகத்தை மேற்கொண்டு கொலை செய்ய முயற்சித்த இருவர் நேற்று (08) கைது செய்யப்பட்டுள்ளனர்.

கம்பஹா பொலிஸார் சந்தேகநபர்கள் இருவரையும் கைது செய்ததுடன, அவர்களிடம் இருந்து துப்பாக்கி மற்றும் இரண்டு தோட்டாக்களையும் பொலிஸார் கண்டுபிடித்துள்ளதாக தெரிவிக்கப்பட்டுள்ளது.

கைது செய்யப்பட்ட சந்தேகநபர்கள் இருவரும் 32 மற்றும் 42 வயதுடைய பாதுராகொட பிரதேசத்தை சேர்ந்தவர்கள் என தெரிவிக்கப்பட்டுள்ளது.

கைது செய்யப்பட்ட சந்தேக நபர்கள் மேலதிக விசாரணைகளுக்காக வெலிவேரிய பொலிஸாரிடம் ஒப்படைக்கப்படவுள்ளனர்.