தாய்லாந்தின், பெங்கொக் நகருக்கு புறப்படவிருந்த ஸ்ரீலங்கன் எயர்லைன்ஸ் விமானம் 10 மணி நேரத்திற்கும் அதிகமாக தாமதமாகியுள்ளது.
ஸ்ரீலங்கன் எயர்லைன்ஸின் UL-402 என்ற விமானம் இன்று அதிகாலை 01.10 மணிக்கு பெங்கொக்கிற்கு புறப்பட இருந்தது.
எனினும் இந்த விமானம் 10 மணித்தியாலங்கள் 27 நிமிடங்கள் தாமதமாக இன்று முற்பகல் 11:37 மணிக்கு கட்டுநாயக்க விமான நிலையத்திலிருந்து பெங்கொக் நோக்கி புறப்பட்டதாக தெரிவிக்கப்படுகிறது.
மேலும், பங்கொக்கில் இருந்து இன்று காலை 10.40 க்கு கட்டுநாயக்க விமான நிலையத்தை வந்தடையவிருந்த ஸ்ரீலங்கன் எயார்லைன்ஸின் UL-403 விமானம் குறிப்பிட்ட வருகை நேரம் இன்றி தாமதமானது.
கட்டுநாயக்க விமான நிலையத்தில் இருந்து தாமதமாக புறப்பட்ட விமானம் தாய்லாந்து சென்று திரும்பி வரவேண்டிய நிலை ஏற்பட்டமையே இதற்குக் காரணம் என்று கூறப்படுகிறது.