தாதியர் சேவையில் 1,000 வெற்றிடங்களை பூர்த்தி செய்ய உடனடியாக தாதியர்களை இணைத்துக்கொள்ள நடவடிக்கை எடுக்குமாறு சுகாதார அமைச்சர் கெஹெலிய ரம்புக்வெல்ல, அமைச்சின் அதிகாரிகளுக்கு பணிப்புரை விடுத்துள்ளார்.
நாட்டில் சுகாதாரத் துறையில் சுமார் 3,000 தாதியர் வெற்றிடங்கள் காணப்படுவதாகவும், அதற்கமைய தேவையான ஏனைய ஆட்சேர்ப்புகளை விரைவாக மேற்கொள்ள தேவையான நடவடிக்கைகள் மேற்கொள்ளப்பட்டு வருவதாகவும் அமைச்சர் குறிப்பிட்டார்.
முதற்கட்டமாக ஆட்சேர்ப்பு செய்யப்படுபவர்களுக்கு மேலதிகமாக ஏனைய வெற்றிடங்களுக்கான ஆட்சேர்ப்பின் போது அவர்களின் மூப்புக்கு பாதிப்பு ஏற்படாத வகையில் உரிய ஆட்சேர்ப்புகளை மேற்கொள்ள நடவடிக்கை எடுக்குமாறும் அமைச்சர் அதிகாரிகளுக்கு பணிப்புரை விடுத்துள்ளமை குறிப்பிடத்தக்கது.