லொறியொன்று குடைசாய்ந்து விபத்து: மூவர் காயம்

ஹாலிஎல – உனுகொல்ல பிரதான வீதியில் இன்று (23) காலை லொறியொன்று குடைசாய்ந்து விபத்துக்குள்ளாகியுள்ளது.

விபத்தினால் லொறியில் பயணித்த மூவர் காயமடைந்து பதுளை வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

ஹாலிஎலவிலிருந்து உனுகொல்ல பகுதிக்கு பால் சேகரிப்பதற்காக சென்ற லொறியொன்றே இவ்வாறு விபத்துக்குள்ளாகியுள்ளது.

லொறியின் சாரதியால் வாகனத்தின் வேகத்தை கட்டுப்படுத்த முடியாமல் போனமையினால் விபத்து ஏற்பட்டுள்ளதாக தெரிவிக்கப்படுகிறது.

எவ்வாறெனினும் இது தொடர்பான மேலதிக விசாரணைகளை ஹாலிஎல பொலிஸார் மேற்கொண்டு வருகின்றனர்.