2023ல் இஸ்ரேலில் தாதியர் பணிக்காக அனுப்பப்பட்ட தொழிலாளர்களின் எண்ணிக்கை 200ஐ தாண்டியுள்ளதாக தொழிலாளர் மற்றும் வெளிநாட்டு வேலைவாய்ப்பு அமைச்சு தெரிவித்துள்ளது.
இந்த வருடத்தின் முதல் 06 மாதங்களில் மட்டும் 202 இலங்கையர்களுக்கு இஸ்ரேலில் தாதியர் பணி நியமனம் வழங்கப்பட்டுள்ளது.
இஸ்ரேல் அரசுக்கும் இலங்கை அரசுக்கும் இடையிலான புரிந்துணர்வு ஒப்பந்தத்தின்படி இலங்கையர்களுக்கு இஸ்ரேலில் தாதியர் வேலைகள் வழங்கப்பட்டுள்ளன.
நேற்று (31) தொழிலாளர் மற்றும் வெளிநாட்டு வேலைவாய்ப்பு அமைச்சில், இஸ்ரேலில் தாதியர் வேலை பெற்ற மேலும் 15 இலங்கையர்களுக்கு விமான டிக்கெட் வழங்கும் நிகழ்வு தொழிலாளர் மற்றும் வெளிநாட்டு வேலைவாய்ப்பு அமைச்சர் மனுஷ நாணயக்கார தலைமையில் இடம்பெற்றது.