இரத்மலானையிலிருந்து ஒரு மணித்தியாலம் பத்து நிமிடத்தில் விமானம் மூலம் யாழ்ப்பாணத்தை அடைய முடியும் என இரத்மலானை விமான நிலைய முகாமையாளர் அருண ராஜபக்ஷ தெரிவித்துள்ளார்.
இந்த போக்குவரத்து சேவை வாரத்தில் நான்கு நாட்கள் இயக்கப்படும் என்றும், சனி, ஞாயிறு, செவ்வாய் மற்றும் வியாழன் ஆகிய நாட்களில் காலை வேளைகளில் விமான சேவை இயக்கப்படும் என்றும் அவர் கூறினார்.
12 பயணிகளை ஏற்றிச் செல்லக்கூடிய செஸ்னா 208 நேற்று இந்தப் பயணத்தில் இணைந்தது.
ஃபிட்ஸ் ஏவியேஷன் / டேவிட் பீரிஸ் ஏவியேஷன் ஆகிய நிறுவனங்கள் இந்த பயணிகள் போக்குவரத்திற்காக சேவைகளை வழங்குகின்றன .
இங்கு பயணிக்கும் பயணிகள் 7 கிலோகிராம் பொதியை எடுத்துச் செல்ல முடியும் எனவும் முகாமையாளர் அருண ராஜபக்ஷ தெரிவித்துள்ளார்.