தென் மற்றும் மேல் மாகாணங்களில் பாதாள உலக செயற்பாடுகளை ஒடுக்குவதற்கு பொலிஸ் விசேட அதிரடிப்படையின் குழுக்கள் ஈடுபடுத்தப்பட்டுள்ளன.
பாதாள உலகத் தலைவர்கள், அவர்களைப் பின்பற்றுபவர்கள் மற்றும் ஆயுதங்கள் இருந்த இடங்கள் பற்றிய தகவல்களைத் தேடுவதற்கு பொலிஸ் விசேட அதிரடிப் படையின் புலனாய்வுப் பிரிவினர், தெற்கில் இருந்து 20 விசேட குழுக்களும் மேற்கில் இருந்து 15 விசேட குழுக்களும் பயன்படுத்தப்படுவதாகத் தெரிவிக்கப்படுகிறது.
பொலிஸ் விசேட அதிரடிப்படையின் உடனடி நடவடிக்கை மோட்டார் சைக்கிள் பிரிவின் அதிகாரிகளும் அந்த இரண்டு மாகாணங்களுக்கும் கடமையில் ஈடுபடுத்தப்பட்டுள்ளதாக பொலிஸ் விசேட அதிரடிப்படை தெரிவித்துள்ளது.