ஓமானை வீழ்த்தியது இலங்கை

ஐசிசி 2023 ஒருநாள் உலகக் கிண்ண தகுதிச் சுற்றின் ஓமான் அணிக்கு எதிரான ஆட்டத்தில் இலங்கை 10 விக்கெட்டுகளினால் அபார வெற்றி பெற்றுள்ளது.

ஐசிசி 2023 ஒருநாள் உலகக் கிண்ண தகுதிச் சுற்றின் 11 ஆவது ஆட்டம் இன்று பிற்பல் 12.30 மணியளவில் இலங்கை மற்றும் ஓமான் அணிகளுக்கு இடையில் சிம்பாப்வேயின் புலவாயோவில் உள்ள குயின்ஸ் ஸ்போர்ட்ஸ் கிளப்பில் ஆரம்பமானது.

போட்டியில் நாணய சுழற்சியில் வெற்றி பெற்ற இலங்கை அணி முதலில் பந்து வீசத் தீர்மானித்தது.

அதன்படி முதலில் துடுப்பெடுத்தாடிய ஓமான் அணி 30.2 ஓவர்களை மாத்திரம் எதிர்கொண்டு சகல விக்கெட்டுக்களையும் இழந்து 98 ஓட்டங்களை மாத்திரம் பெற்றது.

பின்னர் 99 என்ற வெற்றியிலக்கினை நோக்கி பதிலுக்கு துடுப்பெடுத்தாடிய இலங்கை, 15 ஓவர்கள் நிறைவில் விக்கெட் இழப்பின்றி 100 ஓட்டங்களை பெற்று வெற்றியிலக்கை கடந்தது.

இலங்கை அணி சார்பில் ஆரம்ப வீரர்களாக களமிறங்கிய திமுத் கருணாரத்ன 61 ஓட்டங்களையும், பத்தும் நிஸ்ஸங்க 37 ஓட்டங்களையும் பெற்றனர்.

போட்டியின் ஆட்டநாயகனாக வனிந்து ஹசரங்க தெரிவானார்.