லுணுகம்வெஹெர – ஸ்பிரிலியாய காட்டுப் பகுதியில் துப்பாக்கிச் சூடு சம்பவம் ஒன்று இடம்பெற்றுள்ளது.
மோட்டார் சைக்கிளில் பயணித்த அதே பிரதேசத்தைச் சேர்ந்த 49 வயதுடைய நபரொருவரே துப்பாக்கிச் சூட்டுக்கு இலக்காகியுள்ளதாக தகவல் கிடைத்துள்ளது.
கிடைத்த தகவலின் அடிப்படையில் விசாரணைகளை ஆரம்பித்துள்ளதாக பொலிஸார் குறிப்பிட்டுள்ளனர்.
எனினும் குறித்த நபர் தாக்கப்படவில்லை எனவும், மோட்டார் சைக்கிளின் பக்கவாட்டு கண்ணாடி தோட்டாவால் சேதமடைந்துள்ளதாக கூறப்படுகிறது.
முகத்தை மூடி மறைந்திருந்த இருவரில் ஒருவரே துப்பாக்கிச் சூட்டை நடத்திவிட்டு தப்பிச் சென்றுள்ளதாக பொலிஸ் விசாரணைகளில் இருந்து தெரியவந்துள்ளது.