வதுருவ ரயில் நிலையத்திற்கு அருகில் இன்று (25) அதிகாலை 5.45 மணியளவில் கைப்பேசியில் பேசிக் கொண்டு ரயில் கடவையை கடந்த இளைஞர்கள் இருவர் ரயில் மோதி உயிரிழந்துள்ளனர்.
வெயங்கொட வதுருவ பிரதேசத்தை சேர்ந்த கவிஷ்க லக்மால் என்ற 18 வயது இளைஞனும், எஸ்.ஏ.திவங்க என்ற 19 வயதுடைய இளைஞனுமே இவ்வாறு உயிரிழந்துள்ளனர்.
குறித்த இரு இளைஞர்களின் வீடுகளும் ரயில் பாதைக்கு அருகில் அமைந்துள்ளதாகவும், சுற்றுலாப்பயணம் செல்வதற்காக இன்று காலை வதுருவ ரயில் நிலையத்தை நோக்கி அவர்கள் செல்லும் போது இந்த விபத்து இடம்பெற்றுள்ளதாக தெரியவந்துள்ளது.
விபத்தில் உயிரிழந்த இரு இளைஞர்களின் சடலங்கள் வேயங்கொட ரயில் நிலையத்திற்கு கொண்டு செல்லப்பட்டுள்ளன.