அழகு நிலையம் ஒன்றுக்கு வந்த வாடிக்கையாளரின் ஏடிஎம் அட்டையை திருடி 90,598 ரூபா பெறுமதியான பொருட்களை கொள்வனவு செய்த பெண்ணொருவர் நேற்று (10) கைது செய்யப்பட்டுள்ளார்.
அவிசாவளை பொலிஸ் நிலையத்தில் செய்யப்பட்ட முறைப்பாட்டின் அடிப்படையில் மேற்கொள்ளப்பட்ட விசாரணைகளின் பிரகாரமே அவர் கைது செய்யப்பட்டுள்ளார்.
குறித்த சந்தேக நபர் அவிசாவளை – புவக்பிட்டிய பிரதேசத்தில் வைத்து கைது செய்யப்பட்டுள்ளார்.
கைது செய்யப்பட்ட பெண் மாத்தறை பிரதேசத்தை சேர்ந்த 20 வயதுடையவர் எனவும், குறித்த அழகு நிலையத்தில் உதவியாளராக கடமையாற்றியவர் எனவும் தெரிவிக்கப்படுகிறது.
சந்தேக நபர் ஏடிஎம் அட்டையை திருடி வரகாபொல மற்றும் கம்பளை பிரதேசங்களிலும் பல பொருட்களை கொள்வனவு செய்துள்ளதாகவும் பொலிஸாரின் ஆரம்பகட்ட விசாரணைகளில் இருந்து தெரியவந்துள்ளது.
சந்தேகநபர் இன்று (11) அவிசாவளை கௌரவ நீதவான் நீதிமன்றில் முன்னிலைப்படுத்தப்படவுள்ளார்.
இது தொடர்பான மேலதிக விசாரணைகளை அவிசாவளை பொலிஸார் மேற்கொண்டு வருவதாக தெரிவிக்கப்படுகின்றது.