இலங்கைக்கு அத்தியாவசிய மருந்துகளை வழங்கிய ஈரான்

ஈரான் குடியரசு 1.8 மில்லியன் டொலர்களுக்கு மேல் மதிப்புடைய புற்றுநோய் மருந்துகள் உட்பட அத்தியாவசிய மருந்துகளை இலங்கை அரசாங்கத்திற்கு நன்கொடையாக வழங்கியுள்ளது.

ஈரானிய தூதுவர் ஹாசிம் அஷிட் இந்த மருந்துப் பொருட்களை சுகாதார அமைச்சர் கெஹெலிய ரம்புக்வெல்லவிடம் உத்தியோகபூர்வமாக கையளித்தார்.

இந்த நன்கொடையின் கீழ், இலங்கையில் பல அத்தியாவசிய மருந்துகள் உள்ளதாகவும், புற்றுநோய், இதய நோய், தோல் நோய், வைரஸ் தொற்று, உயர் இரத்த அழுத்தம், பார்கின்சன் போன்ற பல நோய்களுக்கான மருந்துகள் உள்ளடங்குவதாகவும் தெரிவிக்கப்பட்டுள்ளது.