இலங்கை வந்துள்ள இந்திய விமானப்படைத் தளபதி ஏர் சீஃப் மார்ஷல் வி.ஆர். சௌத்ரிக்கும் பாதுகாப்புச் செயலாளர் கமல் குணரத்னவுக்கும் இடையிலான சந்திப்பு பாதுகாப்பு அமைச்சில் இடம்பெற்றுள்ளது.
இந்தியாவில் பயிற்சி நெறியில் பங்கேற்கும் இலங்கை ஆயுதப்படை உறுப்பினர்களின் உயர் தொழில்முறை திறன்களை இந்திய விமானப்படைத் தளபதி பாராட்டியதாக பாதுகாப்பு அமைச்சு தெரிவித்துள்ளது.
இரு நாடுகளுக்கும் இடையிலான பாதுகாப்பு ஒத்துழைப்பை மேலும் அதிகரிக்க, பயிற்சி மற்றும் தொழில்நுட்ப பரிமாற்றங்களில் புதிய வழிகளை தேட வேண்டும் என இந்திய விமானப்படை தளபதி மேலும் தெரிவித்துள்ளார்.