உலக தொழிலாளர் தினத்தை முன்னிட்டு நேற்று (மே 1) நடைபெற்ற கூட்டங்கள் மற்றும் மே தின பேரணிகளை அமைதியான முறையில் நடத்தி, சட்டம் ஒழுங்கை முறையாகப் பராமரித்து, பணியில் உள்ள பொலிஸ் அதிகாரிகளின் பணியில் தலையிடாமல் ஒத்துழைப்பு வழங்கிய அனைத்து அரசியல் கட்சிகள் மற்றும் அமைப்புகளுக்கும் நன்றி தெரிவிப்பதாக பொதுமக்கள் பாதுகாப்பு அமைச்சர் டிரான் அலஸ் தெரிவித்துள்ளார்.
நேற்றைய தினம் மே தினக் கொண்டாட்டங்கள் மற்றும் கூட்டங்கள் நடைபெற்ற ஒவ்வொரு இடத்திலும் விசேட பாதுகாப்பு வேலைத்திட்டம் ஆரம்பிக்கப்பட்டுள்ளதாகவும் அமைச்சர் தெரிவித்தார்.
பொதுமக்களின் பாதுகாப்பிற்காக மிகுந்த அர்ப்பணிப்புடன் தமது கடமைகளை முறையாகச் செய்த அனைத்து பொலிஸ் அதிகாரிகளுக்கும் அமைச்சர் இதன்போது நன்றி தெரிவித்தார்.