பாகிஸ்தானைச் சேர்ந்த உலகப் புகழ்பெற்ற நடுவரான அலீம் டார், தனது 24 ஆண்டுக்கால நடுவர் வாழ்க்கையிலிருந்து இன்றுடன் விடைபெற்றார்.
டாக்காவில் அமைந்துள்ள ஷேரே பங்களா தேசிய மைதானத்தில் இன்று அயர்லாந்துக்கு எதிரான ஒரே ஒரு டெஸ்டில் பங்களாதேஷ் 7 விக்கெட் வித்தியாசத்தில் வெற்றி பெற்றது.
இந்த போட்டியே பாகிஸ்தானைச் சேர்ந்த சிரேஷ்ட நடுவர் அலீம் டாரின் இறுதிப் போட்டியாகவும் அமைந்தது.
இப் போட்டியின் முடிவில் அலீம் டார் வீரர்கள் மற்றும் அதிகாரிகளினால் கௌரவிக்கப்பட்டார்.
54 வயதான அலீம் டார், 2009 முதல் 2011 வரை தொடர்ந்து மூன்று ஆண்டுகள் உலகின் சிறந்த நடுவராகப் பெயரிடப்பட்டார்.
இதுவரை 435 ஆண்கள் சர்வதேசப் போட்டிகளில் அவர் நடுவராகப் பணியாற்றி சாதனை படைத்துள்ளமையும் குறிப்பிடத்தக்கது.