மர்மமான முறையில் உயிரிழந்த ஒருவரின் சடலம் மீட்பு

ஹலவத்த – கொக்காவில பிரதேசத்தில் வீடொன்றிலிருந்து நபரின் சடலம் பொலிஸாரால் கண்டுபிடிக்கப்பட்டுள்ளது.

கொக்காவில – முகுனுவதன பிரதேசத்தை சேர்ந்த 49 வயதுடைய ஒருவரே நேற்று (14) உயிரிழந்துள்ளார்.

இவர் மனநலம் பாதிக்கப்பட்டவர் என அவரது மகன் முன்னர் பொலிஸில் புகார் அளித்திருந்ததாக கூறப்படுகிறது.

எனினும், ஹலவத்த வைத்தியசாலையில் பிரேதப் பரிசோதனை மேற்கொள்ளப்பட்டபோது, ​​உயிரிழந்தவரின் கழுத்தில் வெட்டுக் காயம் இருப்பது தெரியவந்துள்ளது.

இதனையடுத்து, இந்த மரணம் சந்தேகத்திற்குரியது என சட்ட வைத்திய அதிகாரியும் அறிக்கை வெளியிட்டுள்ளார்.

சம்பவம் குறித்து ஹலவத்த பொலிஸார் விசாரணை நடத்தி வருகின்றனர்.