பத்துலு ஓயாவில் கவிழ்ந்த எரிபொருள் பௌசர்

ஹலவத்தை – புத்தளம் வீதியில் பத்துலு ஓயாவில் எரிபொருள் ஏற்றிச் சென்ற பௌசர் ஒன்று கவிழ்ந்து விபத்து ஏற்பட்டுள்ளது.

புத்தளம் – கைத்தொழில் நகரத்துக்கு எரிபொருளை ஏற்றிச் சென்ற பௌசர் வண்டியொன்று இன்று (24) அதிகாலை மீண்டும் கொழும்பு நோக்கி சென்று கொண்டிருந்த போது இந்த விபத்துக்குள்ளானதாக பொலிஸார் தெரிவித்தனர்.

ஹலவத்தை – புத்தளம் வீதியில் பத்துலுஓயா மீது கட்டப்பட்டுள்ள பாலத்தின் பாதுகாப்பு வேலியை உடைத்து பௌசர் கவிழ்ந்து விபத்துக்குள்ளானது.

சாரதி பிரதேசவாசிகளால் மீட்கப்பட்டு வைத்தியசாலையில் அனுமதிக்கப்பட்டுள்ளார்.

சாரதிக்கு தூக்கம் வந்ததாலும் வேகத்தை கட்டுப்படுத்த முடியாமல் போனதாலும் இவ்விபத்து நேர்ந்திருக்கலாம் என பொலிஸார் சந்தேகிக்கின்றனர்.