போதைப்பொருள் கடத்தல்காரரும் ஒழுங்கமைக்கப்பட்ட குற்றவாளியுமான கஞ்சிபானி இம்ரானின் நேரடி வழிகாட்டலில், கொழும்பு பிரதேசத்தில் பல்வேறு துப்பாக்கிச் சூடு மற்றும் கொலைகளை செய்த நபர் ஒருவர் கைது செய்யப்பட்டுள்ளார்.
வாழைத்தோட்டம், அக்பர் ஒழுங்கை பிரதேசத்தில் காவல்துறை விசேட அதிரடிப்படையினர் நேற்று மேற்கொண்ட சுற்றிவளைப்பில் போதைப்பொருளுடன் கொழும்பு 12 ஐச் சேர்ந்த 41 வயதுடைய நபர் ஒருவர் கைது செய்யப்பட்டுள்ளார்.
2018 ஆம் ஆண்டு பொரளை பிரதேசத்தில் நபர் ஒருவர் படுகொலை செய்தமை, ஜும்மா மஸ்ஜித் வீதி பகுதியில் நபர் ஒருவரை கொலை செய்ய முயற்சி, லக்ஷித செவன அடுக்குமாடி குடியிருப்புக்கு அருகில் நபர் ஒருவரை கொலை செய்ய முயற்சி, ஜும்மா மஸ்ஜித் வீதி பகுதியில் நபர் ஒருவர் மீது துப்பாக்கிச் சூடு, கிராண்ட்பாஸ் பகுதியில் நபர் ஒருவரை சுட முயற்சி மற்றும் 2019 இல் 6150 மில்லிகிராம் ஹெராயின் மற்றும் கைக்குண்டு வைத்திருந்தமை அவருக்கு எதிரான குற்றச்சாட்டுகளாகும்.