முட்டைகளை இறக்குமதி செய்வதற்கான 20 விலைமனுக்கள் அண்மையில் வர்த்தக அமைச்சின் தொழில்நுட்பக் குழுவிடம் சமர்ப்பிக்கப்பட்டுள்ளது.
இதற்கிடையில், முட்டையை இறக்குமதி செய்து 45 ரூபாவுக்கு விற்பனை செய்ய அரசாங்கம் திட்டமிட்டுள்ளதாக நுகர்வோர் சங்கம் குற்றம் சாட்டியுள்ளது. இந்தியாவில் இருந்து இறக்குமதி செய்தால் முட்டையை 25 ரூபாவிற்கு விற்பனை செய்ய முடியும் எனவும் தெரிவித்துள்ளது.
மேலும், முதல் தொகுதியாக ஐந்து மில்லியன் முட்டைகள் இறக்குமதி செய்யப்படும் என எதிர்பார்க்கப்படுகிறது. இறக்குமதி செய்யப்படும் முட்டைகளுக்கான கட்டணம் இந்திய நாணயத்தில் செலுத்தப்படும் என தெரிவிக்கப்பட்டுள்ளது.