உள்ளூராட்சி மன்ற தேர்தல் பழைய முறைமையிலோ அல்லது தற்போதைய முறையிலோ அல்லது ஏதேனும் முறைமையிலோ நடத்தப்பட்டால் அதனை எதிர்கொள்ள பொதுஜன பெரமுன தயாராக இருப்பதாக நகர அபிவிருத்தி மற்றும் வீடமைப்பு அமைச்சர் பிரசன்ன ரணதுங்க தெரிவித்தார்.
பொதுஜன பெரமுன தேர்தலை எதிர்கொள்வதற்கான ஆரம்பகட்ட பணிகளை ஏற்கனவே முடித்துவிட்டதாகவும், வேட்பாளர்களை தெரிவு செய்வதற்கான விண்ணப்பங்கள் கோரும் நடவடிக்கைகள் ஏற்கனவே ஆரம்பிக்கப்பட்டுள்ளதாகவும் அமைச்சர் கூறினார்.
இன்று (21) நடைபெற்ற கம்பஹா பிராந்திய ஒருங்கிணைப்புக் குழு கூட்டத்தின் பின்னர் ஊடகவியலாளர்கள் எழுப்பிய கேள்விகளுக்கு பதிலளிக்கும் போதே நகர அபிவிருத்தி மற்றும் வீடமைப்பு அமைச்சர் பிரசன்ன ரணதுங்க மேற்கண்டவாறு தெரிவித்தார்.