பயங்கரவாதத் தடைச் சட்டத்தின் கீழ் விளக்கமறியலில் வைக்கப்பட்டுள்ள அனைத்து பல்கலைக்கழக மாணவர் ஒன்றியத்தின் ஏற்பாட்டாளர் வசந்த முதலிகே தொடர்பில் விசாரணைகள் நடத்தப்பட்டு வருவதாகவும், அது தொடர்பான எதிர்கால நடவடிக்கைகள் குறித்து அறிவிக்க உள்ளதாகவும் பிரதி சொலிசிட்டர் ஜெனரல் நீதிமன்றில் தெரிவித்துள்ளார்.
விளக்கமறியலில் வைக்கப்பட்டுள்ள கல்வெவ சிறிதம்ம தேரரை சட்டமா அதிபரின் பணிப்புரைக்கமைய பிணையில் விடுவிப்பதற்கான வழக்கு நேற்று (23) விசாரணைக்கு எடுத்துக் கொள்ளப்பட்ட போதே பிரதி சொலிசிட்டர் ஜெனரல் இந்த விடயங்களை முன்வைத்தார்.