449 கிலோ எடையுடைய கேரளக் கஞ்சாவுடன் சந்தேகநபர்கள் இருவர் இன்று (09) அதிகாலை ஒரு மணியளவில் கைது செய்யப்பட்டுள்ளனர்.
சந்தேகநபர்கள் இந்தியாவில் இருந்து கஞ்சாவினை கடல்மார்க்கமாக கடத்திய போதே கடற்படையினரால் இவ்வாறு கைது செய்யப்பட்டுள்ளனர்.
இதன்போது 449 கிலோ கஞ்சா மற்றும் படகு என்பன மீட்கப்பட்டுள்ளன.
கைது செய்யப்பட்டவர்கள் அல்லைப்பிட்டி மற்றும் மன்னார் பகுதிகளைச் சேர்ந்தவர்கள் என தெரிவிக்கப்படுகிறது.
கடற்படையினரின் விசாரணைகளின் பின்னர் அவர்கள் சான்றுப் பொருட்களுடன் நெடுந்தீவு பொலிஸாரிடம் ஒப்படைக்கப்படவுள்ளனர்.