இங்கிலாந்தின் புதிய பிரதமராக பதவியேற்கவுள்ள ரிஷி சுனக், நாட்டின் ஆழ்ந்த பொருளாதார சவாலை எதிர்கொள்ள ஒற்றுமைக்கான வேண்டுகோளை முன்வைத்துள்ளார்.
புதிய பிரதம மந்திரி பதவிக்கான போட்டியில் வெற்றி பெற்ற பிறகு அவர் இந்த கோரிக்கையை விடுத்துள்ளார்.
போட்டியாளரான பென்னி மோர்டான்ட் நாடாளுமன்ற உறுப்பினர்களிடமிருந்து போதுமான ஆதரவைப் பெறத் தவறியதால் சுனக், கொன்சவேட்டிவ் கட்சியின் தலைமைப் போட்டியில் வெற்றி பெற்றார்.
இந்தநிலையில் தமது முதல் உரையில், தனது கட்சியையும் இங்கிலாந்தையும் ஒன்றாகக் கொண்டுவருவதே தமது முன்னுரிமை என்று கூறினார்.
ரிஷி சுனக் இங்கிலாந்தின் முதல் ஆசியப் பிரதமராகவும், 200 ஆண்டுகளுக்கும் மேலான காலத்தில் இளம் வயது பிரதமராகவும் திகழ்கிறார்.
கடந்த வாரம் பிரதமர் லிஸ் ட்ரஸ் பதவி விலகியமையை அடுத்தே சுனக் பிரதமராக பதவியேற்கிறார்.