தற்போது அமைச்சுப் பதவிகளை வகிக்கும் ஸ்ரீலங்கா பொதுஜன பெரமுனவின் உறுப்பினர்கள் சிலரை ஐக்கிய தேசியக் கட்சியில் இணைத்துக் கொள்வதற்கான பேச்சுவார்த்தைகள் தற்போது இடம்பெற்று வருவதாக அரசாங்கத் தகவல்கள் தெரிவிக்கின்றன.
பொதுஜன பெரமுனவில் இருந்து சுயேட்சையாக செயற்படும் நாடாளுமன்ற உறுப்பினர் ஒருவர் இது தொடர்பில் மத்தியஸ்தகராக செயற்படுவதாகவும், அவர் அண்மையில் அரசாங்கத்தில் அமைச்சர் பதவி வகிக்கும் மொட்டுக் கட்சியின் முக்கியஸ்தர்களை சந்தித்து கலந்துரையாடியுள்ளதாகவும் தெரிவிக்கப்படுகிறது.
இதன்படி, அரசாங்கத்தில் பலம் வாய்ந்த அமைச்சுப் பதவிகளை வகிக்கும் கொழும்பு, கம்பஹா, கண்டி, காலி, மாத்தறை உள்ளிட்ட பல மாவட்டங்களில் பொதுஜன பெரமுனவின் அமைச்சர்கள் பலரை அவர் சந்தித்துள்ளார்.