இந்த ஆண்டின் இறுதியில் இலங்கைக்கு சர்வதேச நாணய நிதியம் 2.9 பில்லியன் டொலர்களை வழங்கும் என அரசாங்கம் நம்பியுள்ளது.
ஆனால் அவ்வாறு நடப்பது நிச்சயமில்லை என சர்வதேச நாணய நிதியம் தெரிவித்துள்ளது.
ஜப்பானின் நிக்கி ஊடகத்துக்கு மின்னஞ்சல் மூலம் பதிலளித்துள்ள IMF இன் இலங்கைக்கான தூதுக்குழுவின் சிரேஷ்ட பிரதானி பீற்றர் ப்ரூவர் மற்றும் பிரதானி மசாஹிரோ நொசாகி ஆகியோர் இதனைத் தெரிவித்துள்ளனர்.
அவர்கள் மேலும் தெரிவிக்கையில்,
கடன் மறுசீரமைப்பு இடம்பெற்று வருகிறது.அது இலகுவானது அல்ல. சகலத் தரப்பினரும் இணங்கக்கூடிய காலகட்டத்தை உறுதியாக கூறமுடியாது. சம்மந்தப்பட்ட தரப்பினர் அனைவரும் துரிதமாக இந்த விடயத்தில் செயற்பட வேண்டும். அவ்வாறு செய்தால் இலங்கைக்கு துரிதமான மீட்சி கிடைக்கும் என்றார்.