பேருந்து – லொறி மோதி விபத்து: 25 பேர் வைத்தியசாலையில்

சிலாபம் – கொழும்பு வீதியில் இடம்பெற்ற வாகன விபத்தில் 25 பேர் வைத்தியசாலையில் அனுமதிக்கப்பட்டுள்ளனர்.

இலங்கை போக்குவரத்து சபைக்கு சொந்தமான பேருந்து ஒன்று லொறியுடன் மோதியதில் இந்த விபத்து இடம்பெற்றுள்ளதாக மாதம்பே பொலிஸார் தெரிவித்தனர்.

இந்த விபத்து இன்று (04) காலை மாதம்பே, கலஹிடியாவ பிரதேசத்தில் இடம்பெற்றுள்ளது.

காயமடைந்தவர்கள் சிலாபம் பொது வைத்தியசாலையில் சிகிச்சைக்காக அனுமதிக்கப்பட்டுள்ளதுடன், சம்பவம் தொடர்பான மேலதிக விசாரணைகளை மாதம்பே பொலிஸார் மேற்கொண்டு வருகின்றனர்.