புத்தல பிரதேசத்தில் இடம்பெற்ற வாகன விபத்தில் மோட்டார் சைக்கிளும் லொறியும் ஒன்றுடன் ஒன்று மோதி விபத்துக்குள்ளாகியுள்ளன.
வெல்லவாய – மொனராகலை பிரதான வீதியில் புத்தல நகருக்கு அருகில் லொறியொன்றும் மோட்டார் சைக்கிளும் மோதியதில் இந்த விபத்து இடம்பெற்றுள்ளதாக பொலிஸார் தெரிவித்தனர்.
இவ்விபத்தில் மோட்டார் சைக்கிளில் பயணித்த உனவட்டுன பிரதேசத்தைச் சேர்ந்த 22 வயதுடைய இளைஞரே படுகாயமடைந்துள்ளார்.
புத்தல பிரதேச வைத்தியசாலையில் அனுமதிக்கப்பட்ட பின்னர் மேலதிக சிகிச்சைக்காக மொனராகலை மாவட்ட பொது வைத்தியசாலைக்கு மாற்றப்பட்டதாக தெரிவிக்கப்படுகின்றது.
மோட்டார் சைக்கிளில் பயணித்தவரின் அதீத வேகமே விபத்துக்கு காரணம் என பொலிஸார் தெரிவிக்கின்றனர்.
லொறியின் சாரதியை புத்தல பொலிஸார் கைது செய்துள்ளனர்.