அதிவேக நெடுஞ்சாலையில் விபத்து – இளைஞன் பலி

தெற்கு அதிவேக நெடுஞ்சாலையில் இன்று (19) காலை இடம்பெற்ற வாகன விபத்தில் ஒருவர் உயிரிழந்துள்ளார்..

மத்தளையில் இருந்து கொட்டாவ நோக்கி பயணித்த வேன் அதே திசையில் பயணித்த கொள்கலன் ஊர்தியின் பின்பகுதியில் மோதியதில் இந்த விபத்து ஏற்பட்டுள்ளது.

இதில் 21 வயதுடைய இளைஞர் ஒருவர் உயிரிழந்துள்ளதாக பொலிஸார் தெரிவித்தனர்.

காலி – நாகொட பகுதியைச் சேர்ந்த 21 வயதுடைய இளைஞரே இவ்வாறு உயிரிழந்துள்ளார்.

வேனின் சாரதி தூங்கியதால் விபத்து ஏற்பட்டிருக்கலாம் என பொலிஸார் சந்தேகிக்கின்றனர்.