லண்டனுக்கு சென்றார் இளவரசர் ஹரி

இளவரசர் ஹரி அமெரிக்காவில் இருந்து லண்டனுக்கு சென்றுள்ளதாக வெளிநாட்டு ஊடகங்கள் தெரிவிக்கின்றன.

மன்னர் சார்லஸுக்கு புற்றுநோய் இருப்பதாக பக்கிங்ஹாம் அரண்மனையின் அறிவிப்புடன் இளவரசர் ஹரி தனது தந்தை மன்னர் சார்லஸை சந்திக்க அங்கு சென்றுள்ளார்.

75 வயதான மன்னர் சார்ல்ஸ் தனது சிகிச்சைக்காக பொதுப் பணிகளில் இருந்து விலகுவதாக பக்கிங்ஹாம் அரண்மனை அறிவித்துள்ளது.

அதன்படி, லண்டனில் உள்ள தனது இல்லமான கிளாரன்ஸ் ஹவுஸில் இருந்து மன்னர் சார்ல்ஸ் நேற்று (06) சண்ட்ரிங்ஹாம் அரண்மனைக்கு சென்றுள்ளதாக வெளிநாட்டு ஊடகங்கள் மேலும் தெரிவிக்கின்றன.